Divisional Secretariat - Divulapitiya

වෛශාක්‍ය මංගල්‍යය -2026

2026 වසරේ වෙසක් මංගල්‍යය සමරනු වස් දිවුලපිටිය ශාසනාරක්ෂක බල මණ්ඩල 2 විහාරස්ථානවල වැඩ වෙසෙන ස්වාමීන්වහන්සේලා පනස්නමක වැඩම කොට වදාළ පිණ්ඩපාත චාරිකාව 2026.05.27 දින අලුයම දිවුලපිටිය නගරයේදී ඉතා විචිත්‍රවත් ලෙස පැවැත්විණි. බොහෝ සැදැහැති ජනතාව මග දෙපස වීදි අතර රැදෙමින් හිමිවරුන් වෙත දන් පිළිගැන්වීමට එක්වූහ. දිවුලපිටිය ප්‍රාදේශීය සභා පරිශ්‍රයෙන් ඇරඹි මෙම පිණ්ඩපාත චාරිකාව ප්‍රාදේශීය ලේකම් කාර්‍යාලීය පරීශ්‍රය දක්වා ගමන් ගත් අතර අවසානයේදී සග සතු දානමය මහා පිංකමක් සිදු කරන ලදී.

දිවුලපිටිය ශාසනාරක්ෂක බලමණ්ඩලයේ ස්වාමීන් වහන්සේගේ අනුශාසකත්වයෙන් හා දිවුලපිටිය ප්‍රාදේශීය ලේකම් මානෙල් කුමාරි මහත්මියගේ මගපෙන්වීම හා ප්‍රාදේශීය ලේකම් කාර්යාලයේ සංවිධානයෙන් සිදුකළ මේ පිංකමට දායක වූ සියලු දෙනාට පුණ්‍යානුමෝදනා සිදු කරන්නෙමු.

11a

ජාත්‍යන්තර කාන්තා දිනයට සමගාමීව කාන්තා එල්ලේ තරගාවලියක්

ජාත්‍යන්තර කාන්තා දිනය -2026 ට සමගාමිව දිවුලපිටිය ප්‍රාදේශිය ලේකම් කාර්යාලය හා දිවුලපිටිය කාන්තා කාර්යාංශ බලමණ්ලය එක්ව සංවිධානය කළ එල්ලේ තරගාවලිය 2026.03.14 සෙනසුරාදා දින දිවුලපිටිය ප්‍රාදේශිය සභා ක්‍රිඩාංගනයේදි අති උත්කර්ෂවත් ලෙස පැවැත්විණි.

ප්‍රාදේශිය ලේකම්තුමියගේ සංකල්පයකට අනුව ක්‍රියාත්මක වූ මෙම තරගාවලිය සදහා ප්‍රාදේශිය ලේකම් කාර්යාලීය එල්ලේ කණ්ඩායමද ඇතුළුව වසම් නියෝජනය කරමින් කාන්තා එල්ලේ කණ්ඩායම් 18 ක් සහභාගි විය.

ඝූරතාවය කලුඅග්ගල කණ්ඩායමද අනුශූරතාවය බටහිර පල්ලියපිටිය කණ්ඩායම ද හිමිකරගත් අතර කාන්තා සංවිධානවල සමාජිකාවන්ගේ දක්ෂතා එළි දැක්වීමට මහගු අවස්ථාවක් මේ සමග උදාවිය.ත්‍යාග සදහා අනුග්‍රහය බඩල්ගම vario Systems Pvt.Ltd ආයතනය විසින් ලබාදෙන ලදි.

මෙම අවස්ථාවට ගරු කම්කරු අමාත්‍ය මුදල් හා ක්‍රමසම්පාදන නියෝජ්‍ය අමාත්‍ය අනිල් ජයන්ත මැතිතුමා.පාර්ලිමේන්තු මන්ත්‍රි ධර්මප්‍රිය විජේසිංහ මැතිතුමා ,දිවුලපිටිය ප්‍රාදේශිය සභා සභාපතිතුමන් ඇතුළු දේශපාලන නියෝජිතයන් ප්‍රාදේශිය ලේකම්තුමිය,සහකාර ප්‍රාදේශිය ලේකම්තුමිය පරිපාලන ග්‍රා.නි.තුමා, වනිතා කටයුතු නිලධාරිනිය ඇතුළු රාජ්‍ය නිලධාරිහු රැසක් සභාගී වූහ.

6 1

දිවුලපිටිය ප්‍රාදේශීය ලේකම් කොට්ඨාසයේ කළුමඩ ග්‍රාම නිලධාරී වසමට නව පුස්තකාලයක්

දිවුලපිටිය ප්‍රාදේශීය ලේකම් කොට්ඨාසයේ කළුමඩ ග්‍රාම නිලධාරී වසමෙහි කළුමඩ සුමිතුරු ළමා පුස්තකාල නමින් නව පුස්තකාලයක් විවෘත කිරීම පසුගියදා දිවුලපිටිය ප්‍රාදේශීය ලේකම් මානෙල් දමයන්ති කුමාරි මහත්මියගේ ප්‍රධානත්වයෙන් සිදු කෙරිණි.

බෝධියංගනාරාම විහාරස්ථානයේ පූජ්‍ය පන්නල ධම්මදීප ස්වාමීන් වහන්සේගේ අනුශාසකත්වය මධ්‍යයේ කළුමඩ පොදු ගොඩනැගිල්ලේ දී මෙම පුස්තකාලය විවෘත කෙරිණි.

ප්‍රදේශයේ දරු දැරියන් මෙන්ම වැඩිහිටියන් තුළ කියවීමේ රුචිය වර්ධනය කිරීමත් නිර්මාණශීලී චින්තනය අවදි කිරීමත් මූලික පරමාර්ථය කර ගනිමින් ආරම්භ කරන ලද මෙම නව පුස්තකාලයට විවිධ විෂයන් යටතේ ලියැවුණු පොත් පත් පරිත්‍යාගය කිරීම ප්‍රදේශවාසීන්ගේ අනුග්‍රාහක දායකත්වයෙන් සිදු කරන ලදී.

මෙම අවස්ථාවට දිවුලපිටිය ප්‍රාදේශීය ලේකම් කාර්යාලයේ සැලසුම් අධ්‍යක්ෂ ආර් පී. සෝමලතා මහත්මිය, පරිපාලන ග්‍රාම නිලධාරී වසන්ත කත්තොට මහතා, පොලිස් නිලධාරීන්, කළුවල ග්‍රාමීය කමිටු නිලධාරීන් සහ කලුමඩ ග්‍රාමයේ දෙමාපියන් සහ දරු දැරියන් ඇතුළු පිරිසක් එක්ව සිටියහ.

මැටි ආශ්‍රිත කර්මාන්තකරුවන්ගේ සමූපකාර සමිතිය පිහිටුවීම

දිවුලපිටිය ප්‍රාදේශීය ලේකම් කොට්ඨාශයේ මැටි අමුද්‍රව්‍ය වශයෙන් භාවිතා කරමින් ව්‍යවසායකත්හි නිරත කර්මාන්තකරුවන්ගේ, ශක්තිය, විභවතාවය මනාව සංවිධාන ගත කරමින් දිවුලපිටිය කොට්ඨාශයේ මැටි ආශ්‍රිත කර්මාන්ත කරුවන්ගේ ජීවිතවල සහ කර්මාන්තයේ උන්නතිය හා සාර්ථකත්වය වෙනුවෙන් සියලු දෙනාගේ එකමුතුවෙන් මැටි කර්මාන්ත කරුවන්ගේ සමූපකාර සමිතිය පිහිටුවීම 2026/02/27 දින ආරම්භ කරන ලදී.

මෙම සමාරම්භක අවස්ථාවට දිවුලපිටිය ප්‍රාදේශීය සම්බන්ධීකරණ කමිටුවේ ගරු සභාපති, ගරු මුදල් නියෝජ්‍ය අමාත්‍ය මහාචාර්ය අනිල් ජයන්ත ප්‍රනාන්දු මැතිතුමාගේ ප්‍රධානත්වයෙන් දිවුලපිටිය ප්‍රාදේශීය ලේකම් ඩබ්.ඩබ්.එම්. ඩී. කුමාරි මහත්මියගේ පුර්ණ සංවිධානත්වයෙන් සිදු කරන ලදී. බස්නාහිර පළාත් සමුපකාර දෙපාර්තමේන්තුව, දිවුලපිටිය ප්‍රාදේශීය සභාව මෙම කර්තව්‍ය සදහා අත්වැල් බැදගන්නා ලදී. මේ සදහා වසම්වල ප්‍රජා සවිබලගැන්වීමේ නිලධාරීන්, ප්‍රාදේශීය මන්ත්‍රීවරු, සහකාර ප්‍රාදේශීය ලේකම්, සහකාර අධ්‍යක්ෂ හා දිවුලපිටිය ප්‍රාදේශීය ලේකම් කාර්යාලයේ කර්මාන්ත ඒකකයේ ව්‍යවසාය සංවර්ධන නිලධාරී, ඵලදායිතා සංවර්ධන නිලධාරීන් සහ කුඩා ව්‍යාපාර සංවර්ධන නිලධාරීන් මේ සඳහා අවශ්‍ය සහයෝගය ලබා දෙන ලදී. මෙම වැඩසටහන සඳහා ජාත්‍යන්තර ව්‍යවසායක (ආනයන /අපනයන) රුවන් ප්‍රනාන්දු මහතා සියළු දෙනා දිරිමත් කරමින් ආරාධිත දේශනය සිදු කරන ලදි.…

"සතුටු ළමා ලෝකය " සෞන්දර්යාත්මක වැඩමුළුව

ලෝක ළමා දිනය වෙනුවෙන් දිවුලපිටිය ප්‍රාදේශීය ලේකම් කොට්ඨාසයේ පෙර පාසල් 63ක දරුවන් 1400 වෙනුවෙන් "සතුටු ළමා ලෝකය " සෞන්දර්යාත්මක වැඩමුළුව 2025.10.01 දින දිවුලපිටියේ සෙනුරි ග්‍රැන්ඩ් කැස්ටෙලෝ උත්සව ශාලාවේදී පවත්වන ලදි.

දිවුලපිටිය ප්‍රාදේශීය ලේකම් මානෙල් දමයන්ති කුමාරි මහත්මියගේ උපදෙස් හා මග පෙන්වීම මත පෙර පාසල් ගුරු එකමුතුව හා ඒකාබද්ධව මෙම වැඩසටහන සංවිධානය කෙරිණි. දිවුලපිටිය ප්‍රාදේශීය ලේකම් කාර්යාලයේ මුල් ළමාවිය සංවර්ධන නිලධාරි වසන්තා නිල්මිණී මිය සහ ළමා ඒකකයේ නිලධාරින්ගේ සෘජු දායකත්වය මත දිවුලපිටියේ සෙනුරි ග්‍රැන්ඩ් කැස්ටෙලෝ උත්සව ශාලාධීපති නාලක දේශප්‍රිය මහතාගේ අනුග්‍රහය තුළින් මෙම වැඩසටහන සාර්ථකව සිදු කෙරිණි.

ජාතික අධ්‍යාපන ආයතනයේ කථිකාචාර්ය, සංගීත විශාරද නයනා දමයන්ති මහත්මිය මෙම වැඩසටහන සඳහා සම්පත් දායකත්වය ලබා දෙන ලදි. මරදගහමුල මහජන බැංකුව මගින් දරුවන් කුඩා කළ සිටම ඉතිරි කිරිම් සඳහා පුරුදු කරවීමට කැට ලබා දෙන ලදි. දිවුලපිටිය ප්‍රාදේශීය සභාවේ ගරු සභාපති එම්.ජේ.විකුම් තිලක මහතා, දිස්ත්‍රික් මුල්ළමාවිය සංවර්ධන නිලධාරි අචලා ජයසිංහ මහත්මිය, දිවුලපිටිය පොලිස් ස්ථානයේ නිලධාරි මහත්ම මහත්මීන් පෙරපාසල් ගුරු මහත්ම මහත්මීන් ඇතුළු විශාල පිරිසක් මෙම වැඩසටහනට සහභාගී විය.