පොසොන් සැමරුම් වැඩසටහන්

දිවුලපිටිය ප්‍රාදේශිය ලේකම් කාර්යාලයේ පොසොන් සැමරුම් වැඩසටහන් රැසක්..............

මෙවර පොසොන් පොහොය නිමිති කරගනිමින් ආගමික හා සංස්කෘතික වැඩසටහන් රැසක් දිවුලපිටිය ප්‍රාදේශිය ලේකම් ඩබ්.ඩබ්.එම්.ඩී.කුමාරි මහත්මියගේ ප්‍රධානත්වයෙන් එම ප්‍රාදේශිය ලේකම් කාර්යාල පරිශ්‍රයේ පැවැත්විණි.

දිවුලපිටිය ප්‍රාදේශීය කාර්යාලයේ සමාජ සේවා අංශය ආබාධිත / විශේෂ අවශ්‍යතා සහිත පුද්ගලයන්ගෙන් සැදුම්ලත් ස්වශත්කි සංවිධානය මගින් සංවිධානය කරන ලද සුප් දන්සැලක් ප්‍රාදේශීය ලේකම් කාර්යාල පරිශ්‍රය ඉදිරිපිටදී 2025 ජූනි 06 දින පවත්වන ලදී. තවද ඔවුන් වෙනුවෙන් දාන , සීල , භාවනා වැඩසටහන් සහ පොසොන් කූඩු තරග හා ආගමික හා සංස්කෘතික වැඩසටහන් රැසක් පින්නකැලේ ප්‍රියදර්ශනාරාම විහාරස්ථානයේ දී සිදු කෙරිණි.

   දිවුලපිටිය ප්‍රාදේශීය ලේකම් කාර්යාලයේ බෞද්ධ කටයුතු අංශය විසින් සංවිධානය කර ලද පොසොන් බැති ගී වැඩසටහනක් 2025 ජූනි මස 09 දින කාර්යාල නිලධාරීන් සහ ක්ෂේත්‍ර නිලධාරීන්ගේ සහභාගිත්වයෙන් ප්‍රාදේශීය ලේකම් කාර්යාලය තුළ පවත්වන ලදී.

මෙම වැඩසටහන් සඳහා දිවුලපිටිය ශාසනාරක්ෂක බල මණ්ඩලයේ ගරු ලේඛකාධීකාරි, පුජ්‍ය දොරෙව්වේ ඥාණරතන ස්වාමින් වහන්සේ , මිනුවන්ගොඩ ප්‍රාදේශීය ලේකම් කාර්යාලයේ බෞද්ධ කටයුතු සමායෝජක පුජ්‍ය කලුඅග්ගල සරණසිරි ස්වාමින්වහන්සේ සහභාගී වුහ.  

සංවර්ධන අවශ්‍යතා

2024 වර්ෂය සඳහා සංවර්ධන යෝජනා

1. ගොවිජන සේවා බලධාරීත්වයෙන් කරන ඇළවේලි, අමුණු, පුරන් කුඹුරු අස්වැද්දීම, ට්‍රැක්ටර් පැන්නුම් ඉදිකිරීම.

2. ග්‍රාම නිලධාරී වසම් වල තවදුරටත් සංවර්ධනය කලයුතු මාර්ග පැවතීම. (පැතිබැමි, බෝක්කු සහිතව)

3. පරිසර හිතකාමි ප්‍රදේශයක් ඇතිකිරීම සඳහා පරිසර තිරසර සංවර්ධන ව්‍යාපෘති ක්‍රියාත්මක කිරීම.

4. ප්‍රාදේශීය ඉංජිනේරු හා කලාප අධ්‍යාපන අධ්‍යක්ෂ බලධාරීන් මගින් ක්‍රියාත්මක කරන පාසල් සංවර්ධන ව්‍යාපෘති ක්‍රියාත්මක කිරීම.

5. වනජීවි දෙපාර්තමේන්තුව මගින් ප්‍රදේශයේ ජනතාවගේ ජීවනෝපාය සංවර්ධනයට අදාලව ව්‍යාපෘති වලට වන සතුන්ගෙන් වන හානි අවම කරගැනීම සඳහා මැදිහත්වීම.

6. ප්‍රාදේශීය ලේකම් බලධාරීත්වයෙන් ක්‍රියාත්මක වන ජීවනෝපාය සංවර්ධන ව්‍යාපෘති හා සේවා පියස් ඉදිකිරීමේ ව්‍යාපෘති ක්‍රියාත්මක කිරීම.